5 თვის და 2 კვირის წინ
"ბარსელონას" მეტოქე კოპა დელ რეის 1/16-ფინალში ცნობილია
"ბარსელონას" მეტოქე კოპა დელ რეის 1/16-ფინალში ცნობილია

დღეს "ბარსელონამ" შეიტყო თავისი პირველი მეტოქე კოპა დელ რეის 2023/2024 წლების სეზონის გათამაშებაში. ესპანეთის თასის მეთექვსმეტედფინალში "ლურჯ-ბროწეულისფერნი" "ბარბასტროს" დაუპირისპირდებიან.

პატარა არაგონული გუნდი ესპანეთის რანგით მე-4 დივიზიონში ასპარეზობს. "ბარბასტროს" სტადიონზე, რომელზედაც შედგება აღნიშნული დაპირისპირება, 5000 გულშემატკივარი ეტევა.

ტურნირის მეთექვსმეტედფინალური შეხვედრები 2024 წლის 6-7 იანვარს შედგება.

მერვედფინალები 17 იანვარს გაიმართება, მეოთხედფინალები კი - 24 იანვარს. ნახევარფინალური ეტაპი, განსხვავებით წინა სტადიებისგან, ორმატჩიანია. მატჩები თებერვალსა და აპრილში იქნება.

შეგახსენებთ, რომ კოპა დელ რეი "ბარსამ" ბოლოს 2021 წელს მოიგო. ფინალში კატალონიელებმა მაშინ ბილბაოს "ატლეტიკი" დაამარცხეს, ანგარიშით 4:0.


Facebook კომენტარები