"ბარსელონა" ჩემპიონთა ლიგის მერვედფინალში უკვე გასულია, თუმცა ჯგუფში პირველობა გუნდს ჯერ კიდევ არ აქვს განაღდებული.

ცხადია, შანსი მიზერულზე მიზერულია, მაგრამ თეორიული შესაძლებლობა, რომ კატალონიელებმა ჯგუფში პირველი ადგილი დაკარგონ, არსებობს. ამისათვის ორი რამ უნდა მოხდეს.

1. "ბარსელონა" ბელგიურ "ანტვერპენთან" დამარცხდეს.

2. დონეცკის "შახტარმა" "პორტუს" 7 ან მეტგოლიანი სხვაობით მოუგოს.

სხვათა შორის, ირაკლი აზაროვისა და გიორგი გოჩოლეიშვილის "შახტარს" მეორე ადგილის დასაკავებლად "პორტუს" დამარცხება ესაჭიროება. ნებისმიერი სხვა შედეგი პორტუგალიელებს აძლევს ხელს, უკრაინული გუნდი კი ევროპა ლიგაზე გადაინაცვლებს.

შეგახსენებთ, რომ მატჩები თბილისის დროით 23:55 საათზე დაიწყება.