როგორც მოგეხსენებათ, რობერტ ლევანდოვსკის კატალონიის "ბარსელონადან" შესაძლო წასვლაზე მედიაში აქტიურად წერენ.

ამასთან დაკავშირებით გამოცემა "Sport" ახალ ინფორმაციას ავრცელებს.

წყაროს ცნობით, პოლონელმა მოთამაშემ "ბლაუგრანაში" დარჩენის სანაცვლოდ საუდის არაბეთის კლუბი უარით მორიგ ჯერზე გაისტუმრა.

როგორც ირკვევა, აზიელები ვეტერან ფორვარდს წლიურ ანაზღაურებად 150 მილიონ ევროს სთავაზობდნენ.

გამოცემა აქვე დასძენს, რომ 35 წლის მოთამაშე ევროპიდან წასვლას ამ ეტაპისთვის არ გეგმავს.

ცნობისთვის, ლევანდოვსკიმ არაბები უარით მიმდინარე წლის ზაფხულშიც გაისტუმრა.