როგორც მოგეხსენებათ, არგენტინულ პრესაში დღეს გავრცელდა ინფორმაცია, რომ "ბარსელონა" "რივერ პლეიტის" 17 წლის სუპერტალანტით, კლაუდიო ეჩევერითაა დაინტერესებული.

ამის შესახებ "ბლაუგრანას" მთავარ მწვრთნელს, ჩავი ერნანდესს "ვალენსიასთან" მატჩის წინ გამართულ პრესკონფერენციაზე ჰკითხეს.

"ეჩევერის ვიცნობ. ის დიდი ტალანტია.

იგი მოედანზე განსხვავებას ქმნის, თუმცა ახალგაზრდებზე დაკვირვება სკაუტების პრეროგატივაა," - თქვა "მაესტრომ".

სხვათა შორის, TyC Sports იუწყება, რომ "რივერ პლეიტის" ამომავალი ვარსკვლავის ტრანსფერს სწორედ ჩავი უჭერს მხარს. "ლურჯ-ბროწეულისფერნი" მზად არიან, რომ ფეხბურთელში 30 მილიონი ევრო გადაიხადონ.