"ბარსელონადან" ბირმინგემის "ასტონ ვილაში" განათხოვრებულ კლემან ლანგლეს კიდევ ერთი მსურველი გამოუჩნდა.

Mundo Deportivo-ს ჟურნალისტის, გაბრიელ სანსის ინფორმაციით, ფრანგი ცენტრალური მცველით "მილანი" დაინტერესდა. "როსონერის" ინტერესის შესახებ იციან "ბლაუგრანაშიც".

28 წლის ლანგლემ "ასტონ ვილას" შემადგენლობაში დაიმკვიდრა. ინგლისის პრემიერ ლიგაში მას 1 წუთიც კი არ უთამაშია. კლემანის მიერ "ლომების" მაისურით ჩატარებული 5-ვე შეხვედრა კონფერენს ლიგაზე მოდის.

რამდენიმე დღის წინ გავრცელებული ცნობების მიხედვით, ლანგლეს დამატებას მიუნხენის "ბაიერნიც" განიხილავს.

აქვე გეტყვით, რომ "ასტონ ვილას" გამოცდილი უკანახაზელის 10 მილიონ ევროდ გამოსყიდვა შეუძლია, თუმცა ნაკლებსავარაუდოა, "ვილანებმა" ამ უფლებით ისარგებლონ.