"ბარსელონას" ნიდერლანდელი ნახევარმცველი, ფრენკი დე იონგი "ალმერიასთან" გასამართ მატჩს გამოტოვებს.

ამის მიზეზი ისაა, რომ ფრენკიმ "ვალენსიას" წინააღმდეგ გუშინ გამართულ მატჩში ყვითელი ბარათი მიიღო, რომელიც მისთვის მე-5 გახლდათ ლა ლიგის მიმდინარე გათამაშებაში. 5 გაფრთხილებას კი 1-მატჩიანი დისკვალიფიკაცია მოსდევს.

26 წლის ვარსკვლავი წუხანდელი მატჩის საუკეთესო ფეხბურთელად დასახელდა. ჟოაუ ფელიქსის გოლისას მან ბრწყინვალე პრეასისტი მიითვალა.

ესპანურ პრესაში გავრცელებული ვარაუდის თანახმად, სასტარტო შემადგენლობაში ფრენკის ფერმინ ლოპესი ჩაანაცვლებს. ნახევარდაცვის ტრიოს სწორედ ფერმინი, ილქაი გიუნდოგანი და პედრი გონსალესი ჩამოაყალიბებენ.

შეგახსენებთ, რომ "ბარსელონასა" და "ალმერიას" ჯახი 20 დეკემბერს, თბილისის დროით 22 საათზე დაიწყება.