"ბარსელონა" რაფინიას თაობაზე შეთავაზებებს მოუსმენს, - იუწყება Diario Sport-ის ჟურნალისტი, ალბერტ მასნოუ.

ბრაზილიელი, რომელიც ბოლო პერიოდში დამაკმაყოფილებელ თამაშს ნამდვილად ვერ აჩვენებს, "ლურჯ-ბროწეულისფერთა" მიერ 100 მილიონ ევროდაა შეფასებული.

არადა, რამდენიმე კვირის წინ იწერებოდა, რომ რაფინია "ბარსაში" ხელშეუხებლის სტატუსს ატარებდა.

27 წლის გარემარბით "მანჩესტერ იუნაიტედია" დაინტერესებული. "ბლაუგრანას" 11 ნომერს უკავშირებენ საუდის არაბულ კლუბებს.

მიმდინარე სეზონში ჩატარებულ 16 მატჩში რაფინიას მონაგარი 2 გოლი და 6 საგოლე გადაცემაა. "ბარსამ" იგი 2022 წლის ზაფხულში, "ლიდს იუნაიტედიდან" შეიძინა.