El Golazo De Gol-მა "ვალენსიასა" და "ბარსელონას" მატჩის გადაღებული კადრები გამოაქვეყნა, რომელიც "ბლაუგრანას" მთავარ მწვრთნელზე, ჩავი ერნანდესზეა ორიენტირებული.

ერთ-ერთ ეპიზოდში, როცა რობერტ ლევანდოვსკიმ ბურთი მნიშვნელოვან ეპიზოდში ვერ დაიმორჩილა, "ლურჯ-ბროწეულისფერთა" თავკაცმა მას უყვირა.

"რობერტ! რობერტ! ერთი შეხება, მხოლოდ ერთი შეხება!"

ხოლო უგო გილამონის გოლის მომენტში ჩავიმ ბრაზი უწმაწური სიტყვებით გამოხატა: "ის მარტოა, შენი დედაც!"

შეგახსენებთ, რომ ვალენსიურ-კატალონიური დაპირისპირება ფრედ, ანგარიშით 1:1 დასრულდა.