ლევერკუზენის "ბაიერის" ნახევარმცველი ფლორიან ვირცი "ბარსელონაში" თამაშზე ოცნებობს, - იუწყება SPORT.

გერმანელ ნახევარმცველს ძალიან უნდა, ერთ დღეს "ბლაუგრანას" მაისური მოირგოს. მომავალში არაფერია გამორიცხული, მაგრამ კლუბის დღევანდელი ფინანსური მდგომარეობიდან გამომდინარე, SPORT-ი ვირცის "კამპ ნოუზე" გადასვლას შეუძლებლად მიიჩნევს.

ვირცს არაერთხელ უთქვამს, რომ ბავშვობაში ლიონელ მესის დიდი გულშემატკივარი გახლდათ. სწორედ ამას უკავშირდება მისი სიყვარული კატალონიური გრანდისადმი.

"ფარმაცევტების" 19 წლის ვარსკვლავმა მიმდინარე სეზონში ჩატარებულ 7 მატჩში 1 გოლი და 3 საგოლე გადაცემა მიითვალა.

Transfermarkt-ი ფლორიანს 70 მილიონ ევროდ აფასებს. "ლევერკუზენთან" კონტრაქტი მას 2027 წლის ივლისამდე აკავშირებს.