უსმან დემბელე მადრიდის "რეალთან" კოპა დელ რეის პირველ ნახევარფინალურ მატჩში ვერ ითამაშებს, - იუწყება RAC1.

"ბარსელონაში" ახლა გეგმავენ, რომ ფრანგი გარემარბი ბილბაოს "ატლეტიკის" წინააღმდეგ დაბრუნდეს. "სან მამესზე" ლა ლიგის ეგიდით გასამართი შეხვედრა "ლურჯ-ბროწეულისფრებს" 12 მარტს ელოდებათ.

რაც შეეხება ესპანეთის სამეფო თასის პირველ "კლასიკოს", მას "სანტიაგო ბერნაბეუ" 2 მარტს უმასპინძლებს.

შეგახსენებთ, რომ დემბელემ დაზიანება "ჟირონასთან" მატჩში მიიღო. მან უკვე გამოტოვა კატალონიური გრანდის უკანასკნელი 5 შეხვედრა.

მიმდინარე სეზონში 25 წლის ფრანგის მონაგარი 8 გოლსა და 7 საგოლე გადაცემას შეადგენს.