"ბარსელონამ" ჩადი რიადის "რეალ ბეტისიდან" 7 მილიონ ევროდ გამოსყიდვა გადაწყვიტა, - იუწყება ფაბრიციო რომანო.

მაროკოელი ცენტრლაური მცველი ახლა ანდალუსიურ კლუბშია განათხოვრებული. "ბეტისს" ზაფხულში მისი 3.5 მილიონ ევროდ ყიდვა შეუძლია, მაგრამ "ბლაუგრანამ" შეთანხმებაში ჩადო პუნქტი, რომ თუ ამის საჭიროებას დაინახავდა, ჩადი 7 მილიონი ევროს სანაცვლოდ კვლავ უკან გამოესყიდა.

აღსანიშნავია, რომ "ბეტისი" შეინარჩუნებს 20 წლის ფეხბურთელის მომდევნო ტრანსფერიდან თანხის ნახევრის მოთხოვნის უფლებას.

Sport-ის ცნობით, "ბარსაში" უნდათ, მომდევნო სეზონს 4 ცენტრალური მცველით შეხვდნენ, ამ 4-დან ერთ-ერთი კი რიადი უნდა იყოს. ჩადის დომინანტი ფეხი მარცხენაა - ამით ის ინიგო მარტინესს ჰგავს.

მიმდინარე სეზონში მაროკოელმა 15 მატჩში მიიღო მონაწილეობა.