"ბარსელონა" იანვარში რაფინიას თაობაზე მოუსმენს შეთავაზებებს, - იუწყება SPORT.

წყაროს თანახმად, "ლურჯ-ბროწეულისფრებმა" ორი წინადადება მიიღეს.

პირველი შეთავაზება საუდის არაბეთიდანაა, თუმცა კონკრეტული კლუბი არ სახელდება. რაც შეეხება მეორეს, იგი კლუბს "მანჩესტერ იუნაიტედმა" გაუგზავნა.

გავრცელებული ცნობის მიხედვით, "წითელი ეშმაკები" "ბლაუგრანას" რაფინიას ჯეიდონ სანჩოში გაცვლას სთავაზობენ.

შეგახსენებთ, რომ სანჩოს "ემიუს" მთავარ მწვრთნელთან, ერიკ ტენ ჰაგთან კონფლიქტი აქვს და სათამაშო დრო საერთოდ არ ეძლევა. მისი "ოლდ ტრაფორდზე" დარჩენის შანსი მიზერულია.

რაც შეეხება რაფინიას, 27 წლის ფლანგელმა მიმდინარე სეზონში ჩატარებულ 17 მატჩში 3 გოლი და 7 საგოლე გადაცემა მიითვალა.