ჩემპიონთა ლიგის ოფიციალურმა გვერდმა სოციალურ ქსელში ჯგუფური ეტაპის 10 საუკეთესო დრიბლიორის სია გამოაქვეყნა.

საგულისხმოა, რომ აღნიშნულ სიის ლიდერი საქართველოს ნაკრებისა და “ნაპოლის” გარემარბი, ხვიჩა კვარაცხელია გახლავთ, რომლის ანგარიშზეც 46 დრიბლინგია.

ხვიჩასთან ერთად 10-ეულში ”ბარსელონას” მარჯვენა მცველი, ჟოაო კანსელოც მოხვდა, რომელიც 26 შესრულებული დრიბლინგით მე-7 ადგილზე გავიდა.

ცნობისთვის, კანსელომ ჩემპიონთა ლიგის მიმდინარე გათამაშებაში 6 ჩატარებულ მატჩში 1 გოლი გაიტანა და ამავე რაოდენობის საგოლე გადაცემა შეასრულა.