Diario Sport ირწმუნება, რომ 2024 წლის ზაფხულში "ბარსელონას" პირველი ახალწვეული ჩადი რიადი იქნება.

კატალონიელები "რეალ ბეტისს" 7 მილიონ ევროს გადაუხდიან და ანდალუსიაში იჯარით გაშვებულ "ლა მასიელს" ასე გამოისყიდიან.

20 წლის ცენტრალურ მცველს "ბლაუგრანაში" პირველი გუნდის წევრის სტატუსი ექნება.

ჩადი ახლაც "ბარსას" საკუთრებაშია, თუმცა მან უკვე ჩაატარა "ბეტისში" იმდენი მატჩი, რამდენიც "თეთრ-მწვანეებს" მის 3.5 მილიონ ევროდ შეძენის ვალდებულებას აკისრებდა. საბედნიეროდ, კლუბმა "ბენიტო ვილამარინის" ბინადრებთან დადებულ შეთანხმებაში რიადის 7 მილიონი ევროს სანაცვლოდ გამოსყიდვის ოფციაც ჩადო.

რიადმა ლა ლიგის მიმდინარე სეზონში 13 მატჩში მიიღო მონაწილეობა.