ილაიქს მორიბა "ხეტაფესთან" აქტიურ მოლაპარაკებებს აწარმოებს, - იუწყება Relevo-ს ჟურნალისტი მატეო მორეტო.

"ბარსელონას" ყოფილი ტალანტის დამატება მადრიდული გუნდის მთავარ მწვრთნელს, ხოსეპ ბორდალასს ძალიან უნდა. სხვათა შორის, "ხეტაფეში" ილაიქსს "ბლაუგრანას" კიდევ ერთი ექსფეხბურთელი, კარლეს ალენია დახვდება.

შეგახსენებთ, რომ მორიბამ "ბარსა" 2021 წლის ზაფხულში დატოვა. გერმანულმა "ლაიფციგმა" მასში 16 მილიონი ევრო გადაიხადა, თუმცა ესპანელმა გაცემული ავანსების მეათედიც ვერ გაამართლა.

წარუმატებელი გახლდათ ილაიქსის განათხოვრება "ვალენსიაშიც".

"ბარსელონას" პირველი გუნდის მაისურით მორიბას 18 მატჩი აქვს ჩატარებული. 20 წლის ნახევარმცველის აქტივში 1 გოლი და 3 საგოლე გადაცემაა.