"ბარსელონა" "ასტონ ვილას" ბრაზილიელი ნახევარმცველით, დუგლას ლუისით ინტერესდება, - იუწყება SPORT.

ჟურნალისტ ხოაკიმ პიერას თანახმად, ბირმინგემელთა შუახაზელი "ბლაუგრანას" პირველი სამიზნე იქნება 2024 წლის ზაფხულის სატრანსფერო ფანჯარაზე, ნახევარდაცვის ხაზში.

"ბარსას" სპორტული დირექტორი, დეკუ რამდენჯერმე პირადად გაემგზავრა ინგლისში და იქ დაესწრო ლუისის მატჩს. 

25 წლის "ვილანის" "ლურჯ-ბროწეულისფერთა" რიგებში გადაბარგების ინიციატორი სწორედ დეკუ გახლავთ.

დუგლასი Transfermarkt-ზე 60 მილიონ ევროდაა შეფასებული. მიმდინარე სეზონში ჩატარებულ 27 მატჩში მან 6 გოლითა და 5 საგოლე გადაცემით გამოიჩინა თავი.