როგორც მოგეხსენებათ, "ბარსელონა" კატალონიური "ჟირონას" საყრდენი ნახევარმცველის, ალექს გარსიას გადაბირებითაა დაინტერესებული.

ჟურნალისტ ჟერარ რომეროს ინფორმაციით, "ლურჯ-ბროწეულისფერნი" ლა ლიგის მეორეადგილოსან კლუბთან ბარტერის განხორციელების შესაძლებლობასაც განიხილავენ.

გაცვლაში "ბარსამ" შეიძლება "ჟირონადან" ნაყიდი ორიოლ რომეუ და "ჟირონაში" განათხოვრებული პაბლო ტორე ჩართოს. სხვათ შორის, კატალონიელთა ხელმძღვანელობას საჯაროდაც აქვს დაფიქსირებული, რომ რომეუს დაბრუნებას ისურვებდნენ.

26 წლის გარსიას გამოსასყიდი თანხა 20 მილიონი ევროა.

შეგახსენებთ, რომ პაბლო გავის მიერ ჯვარედინი მყესების გაწყვეტა და პედრი გონსალესის დაუსრულებელი ტრავმიანობა "ბარსას" იანვარში ნახევარმცველის დამატებას აიძულებს. მოარული ხმების თანახმად, ალექს გარსია ამ პოზიციაზე კლუბის პირველი არჩევანია.