"ბარსელონა" Libero-ს სასამართლოში უჩივლებს, - იუწყება Mundo Deportivo.

როგორც მოგეხსენებათ, ზაფხულში კატალონიურმა გრანდმა Barca Studio-ს მნიშვნელოვანი წილი გერმანულ Libero-ს მიჰყიდა, რის სანაცვლოდაც 40 მილიონი ევრო უნდა მიეღო.

თავდაპირველად, თანხა აგვისტოშივე უნდა ჩარიცხულიყო. შემდეგ "ბლაუგრანამ" ეს ვადა 2023 წლის 31 დეკემბრამდე გადასწია, მაგრამ ფული არც გუშინ ჩარიცხულა.

"ლურჯ-ბროწეულისფერთ" ახლა სხვა გამოსავალი, გარდა სასამართლოსთვის მიმართვისა, არ რჩებათ.

გერმანელთაგან მისაღებ 40 მილიონ ევროზე დიდწილად დამოკიდებული გახლდათ კლუბის აქტიურობა იანვრის სატრანფერო ფანჯარაზეც. მოსალოდნელია, რომ "ბარსა" ახლა სხვა წყაროს მოძებნა ეცდება.