"ბარსელონა" დღეს წლის პირველ ოფიციალურ მატჩს გამართავს, სადაც "ლას პალმასს" დაუპირისპირდება. ლა ლიგის მე-19 ტურის ეგიდით ჩასატარებელი შეხვედრა "ლურჯ-ბროწეულისფრებმა" აუცილებლად უნდა მოიგონ, რათა ლიდერებთან, "რეალთან" და "ჟირონასთან" ჩამორჩენა ისევ 7 ქულამდე შეამცირონ.

SPORT-ის ვარაუდით, ჩავი ერნანდესი მოედანზე ასეთ თერთმეტეულს გაიყვანს:

მეკარე: ინიაკი პენია

მცველები: ჟოაუ კანსელუ, ჟიულ კუნდე, რონალდ არაუხო, ალეხანდრო ბალდე

ნახევარმცველები: სერხი რობერტო, ფრენკი დე იონგი, ილქაი გიუნდოგანი

თავდამსხმელები: რაფინია, რობერტ ლევანდოვსკი, ჟოაუ ფელიქსი

Mundo Deportivo-ს ვერსია ერთადერთი პოზიციითაა განსხვავებული - მარცხენა შემტევად არა ჟოაუ ფელიქსი, არამედ ფერან ტორესი დგას.

შეგახსენებთ, რო მატჩი თბილისის დროით 00:30 საათზე დაიწყება.