როგორც მოგეხსენებათ, მიმდინარე სეზონში კატალონიის “ბარსელონას” მაისურით არაერთმა ფეხბურთელმა იასპარეზა.

დიდი კონკურენციის გამო არაერთ მოთამაშეს ეძლევა დასვენების საშუალება, თუმცა არიან გამონაკლისებიც.

გავლენიანი სპორტული სააგენტოს, Mundo Deportivo-ს მიერ გავრცელებული ინფორმაციის თანახმად, მიმდინარე სეზონში ყველა შეხვედრაში ილქაი გიუნდოგანმა და ლამინე იამალმა მიიღეს მონაწილეობა.

გერმანელ შუახაზელს 90%-იანი მაჩვენებელი აქვს, მის ანგარიშზე შესაძლო 2250 წუთიდან 2047 წუთი გახლავთ. 16 წლის ვუნდერკიდს კი 49%-იანი შედეგი აქვს, მას 1111 წუთი აქვს მოედანზე გატარებული.

ცნობისთვის, “ბარსელონას” მიმდინარე სეზონში საბოლოო ჯამში 25 შეხვედრა აქვს ჩატარებული.