როგორც მოგეხსენებათ, ჟოაუ კანსელუმ "ლას პალმასთან" მატჩში ტრავმა მიიღო, რომელიც მას 2-3 კვირით უქმობას აიძულებს.

ცხადია, "ლურჯ-ბროწეულისფერთა" სასტარტო შემადგენლობაში მარჯვენა მცველის ადგილი სხვა ფეხბურთელმა უნდა დაიკავოს.

Sport-ის ინფორმაციით, კანსელუს შეცვლის საკმაოდ კარგი შანსი აქვს "ლა მასიას" აღზრდილ ფლანგელს, ჰექტორ ფონტს.

თუ პორტუგალიელს მართლაც ფონტი ჩაანაცვლებს, ჩავი ალეხანდრო ბალდეს შეტევაში მეტი აქტიურობისკენ მოუწოდებს, რათა გუნდში ბალანსი იქნეს დაცული.

17 წლის ესპანელს "ბარსას" პირველ გუნდში სულ ერთხელ აქვს ნათამაშები. "ანტვერპენთან" წაგებულ მატჩში მან 60 წუთი გაატარა მინდორზე.