როგორც მოგეხსენებათ, "ბარსელონას" მომდევნო სატრანსფერო ფანჯრებზე ნახევარმცველის გაფორმება სურს. ერთ-ერთ სამიზნედ "ევერტონის" ბელგიელი შუახაზელი, ამადუ ონანა განიხილება.

ონანასთან დაკავშირებით დღეს ახალი ცნობები ჟურნალისტმა ადრიან სანჩესმა გაავრცელა.

წყაროს თანახმად, "ბლაუგრანას" წარმომადგენლები 22 წლის ფეხბურთელის აგენტს შეხვდნენ.

"კანფეტები" ონანას 70 მილიონ ევროდ აფასებენ. დიდი ალბათობით, "ლურჯ-ბროწეულისფერთათვის" ეს გადაულახავი ბარიერი აღმოჩნდება, რადგან კლუბს ფინანსური მდგომარეობა ამ ოდენობის თანხის გადახდის საშუალებას არ აძლევს.

ამადუმ მიმდინარე სეზონში 21 მატჩში მიიღო მონაწილეობა, გაიტანა 2 გოლი და გააკეთა 1 ასისტი.

"ევერტონთან" კონტრაქტი ბელგიელს 2027 წლის ივლისამდე აკავშირებს.