როგორც მოგეხსენებათ, კატალონიის “ბარსელონამ” ესპანეთის სუპერთასის ნახევარფინალურ შეხვედრაში “ოსასუნა” ანგარიშით 2:0 დაამაცრხა.

შეხვედრის საუკეთესო მოთამაშედ ნიდერლანდელი შუახაზელი, ფრენკი დე იონგი დასახელდა.

მატჩის შემდეგ ნიდერლანდელმა შუახაზელმა მედიის წარმომადგენლებთან ისაუბრა:

“კვირას უმაღლესი დონის მატჩი გველოდება. ჩვენ ყველაფერს გავაკეთებთ, რომ კვლავ ჩემპიონები გავხდეთ. ჩვენ კარგ ფორმაში ვიმყოფებით, ჩვენ ზედიზედ რამდენიმე შეხვედრა მოვიგეთ. მეორე ტაიმში თავი მშვენივრად წარმოვაჩინეთ და საკმაოდ დისციპლინირებულ გუნდს ვსძლიეთ”. - განაცხადა დე იონგმა.

ცნობისთვის, მადრიდის “რეალისა” და “ბარსელონას” დაპირისპირება 14 იანვარს თბილისის დროით 00:00 საათზე შედგება.