როგორც მოგეხსენებათ, კატალონიის “ბარსელონამ” ესპანეთის სუპერთასის ნახევარფინალურ შეხვედრაში “ოსასუნა” ანგარიშით 2:0 დაამარცხა.

შეხვედრის მიმდინარეობისას “ბლაუგრანას” ბრაზილიელმა შემტევმა, რაფინიამ დაზიანება მიიღო.

გავლენიანი სპორტული ჟურნალისტის, ხავი მიგელის მიერ გავრცელებული ინფორმაციის თანახმად, პირველადი ტესტების მიხედვით, რაფინიას უმნიშვნელო დაზიანება აწუხებს.

ტესტები ხვალაც ჩატარდება, თუმცა თუ ექიმებმა ახალი არაფერი აღმოაჩინეს, ახლანდელი მონაცემებით ბრაზილიელი შემტევის სუპერთასის ფინალისთვის მზადყოფნაში იქნება.

ცნობისთვის, “ბარსელონა” სუპერთასის ფინალში 14 იანვარს თბილისის დროით 23:00 საათზე მადრიდის “რეალს” დაუპირისპირდება.