Mundo Deportivo-ს ინფორმაციით, "ბარსელონა" 2024 წლის პრესეზონსაც ამერიკის შეერთებულ შტატებში გაივლის.

წყაროს თანახმად, კატალონიურმა გრანდმა დევიდ ბექჰემის "ინტერ მაიამის" ამხანაგური მატჩის ჩატარება შესთავაზა, თუმცა ფლორიდელთაგან უარი მიიღო. ამის მიზეზი კლუბის გადატვირთული კალენდარია - ზაფხულში მათ ლიგის თასის მატჩები ელოდებათ.

არადა, "ინტერის" თანხმობის შემთხვევაში, გულშემატკივარი უნიკალური სანახაობის მომსწრე გახდებოდა, რაც ლიონელ მესის "ბლაუგრანასთან" დაპირისპირებას გულისხმობს.

გარდა არგენტინელი მეგავარსკვლავისა, მაიამურ კლუბში "ბარსას" კიდევ 3 ლეგენდა ირიცხება: სერხიო ბუსკეტსი, ჟორდი ალბა და ლუის სუარესი.

სხვათა შორის, "ინტერ მაიამი" ახალი სეზონისთვის მზადებას სწორედ დღეს შეუდგა.