როგორც იცით, ბოლო დროს ჩავი ერნანდესის კატალონიის "ბარსელონადან" შესაძლო წასვლაზე მედიაში აქტიურად წერენ.

ამ საკითხზე ახალ ცნობებს გამოცემა "DiarioAS" ავრცელებს.

წყაროს ცნობით, ესპანელი სპეციალისტის მომავალი, შესაძლოა, "ბლაუგრანას" მომდევნო თამაშზე იყოს დამოკიდებული.

კერძოდ, როგორც გამოცემა წერს, თუ კატალონიელები კოპა დელ რეიდან "უნიონისტასის" წინააღმდეგ გავარდებიან, "ბარსა" მწვრთნელს უდიდესი ალბათობით გაათავისუფლებს.

ასევე მედიაში წერდნენ, რომ "მაესტრო" "ლურჯ-ბროწეულისფერთა" რიგებში მინიმუმ სეზონის ბოლომდე დარჩებოდა, თუმცა, როგორც ჩანს, სიტუაცია შეიცვალა.

აქვე გეტყვით, რომ ზემოთაღნიშნული დაპირისპირება 18 იანვარს, ჩვენი დროით 22:30 საათზე დაიწყება.