"ბარსელონა" "მანჩესტერ სიტის" ნახევარმცველით, კალვინ ფილიპსით ინტერესდება, - იუწყება Daily Telegraph-ის ჟურნალისტი, მეტ ლოუ.

წყაროს თანახმად, ინგლისელი შუახაზელის მომავალი მომდევნო კვირაში გადაწყდება.

კალვინს ყველაზე აქტიურად "ნიუკასლ იუნაიტედს" უკავშირებდნენ, თუმცა "ჯორდები" მისთვის ბრძოლაში აღარც ისე გამოკვეთილ ფავორიტებად გამოიყურებიან, როგორც ადრე.

"სიტისა" და "ბარსას" შორის არსებული კარგი ურთიერთობა კატალონიელთათვის შეიძლება გადამწყვეტი უპირატესობაც გამოდგეს.

28 წლის ცენტრალური ნახევარმცველი "ქალაქელებმა" 2022 წლის ზაფხულში შეიძინეს და "ლიდსს" მასში 49 მილიონი ევრო გადაუხადეს. მიუხედავად დიდი ავანსებისა, კალვინმა გუნდში თავის დამკვიდრება ვერ შეძლო, მიმდინარე სეზონში კი სულ 10 მატჩში მიიღო მონაწილეობა.