ჯორდან ჰენდერსონმა რამდენიმე კვირის წინ "ბარსელონას" საკუთარი თავი შესთავაზა, - იუწყება Sport-ის ჟურნალისტი, ტონი ხუანმარტი.

ინგლისელი ნახევარმცველის გარემოცვამ კარგად იცოდა, რომ "ბლაუგრანა" სატრანსფერო ბაზარზე ნახევარმცველს ეძებდა.

წყაროს თანახმად, "ლურჯ-ბროწეულისფერთა" ხელმძღვანელობამ შეთავაზება განიხილა, თუმცა იგი უარით გაისტუმრა.

ერთ-ერთი მიზეზი, რატომაც კლუბმა ჰენდერსონის დამატება ვერ მოახერხა, ის გახლდათ, რომ ფინანსურ ფეარ-პლეიში გაჩენილი თავისუფალი სივრცე ვიტორ როკეს დარეგისტრირებას მოხმარდა.

"ბარსას" უარი არ ნიშნავს, რომ "ლივერპულის" ყოფილ კაპიტანს არაბულ "ალ იტიფაქში" მოუწევს გაჩერება. ჰენდერსონის "აიაქსში" ტრანსფერი თითქმის გადაწყვეტილია.