"ბარსელონამ" ოფიციალურად დაადასტურა, რომ გუნდის 20 წლის თავდამსხმელი ანსუ ფატი ტრავმირებულია.

ესპანელ შემტევს დაზიანება მარცხენა მუხლზე აღენიშნება. ტრავმა მან დღევანდელი სავარჯიშო სესიისას მიიღო.

ჟურნალისტი ხავი მიგელი ირწმუნება, რომ ფატი 5-7 დღის განმავლობაში იუქმებს. 2 მარტს გასამართ "ელ კლასიკოში" მისი მონაწილეობა გამორიცხული ჯერ კიდევ არაა.

რაც შეეხება კვირას, "ალმერიასთან" ჩასატარებელ შეხვედრას, მარცხენა შემტევის პოზიციას იქ ფერან ტორესი დაიკავებს.

მიმდინარე სეზონში ანსუმ 34 შეხვედრაში ითამაშა, გაიტანა 6 გოლი და გააკეთა 3 ასისტი.