"ბარსელონა" ლუკას ბერგვალის თაობაზე ოფიციალურ შეთავაზებას ამზადებს, - იუწყება ფაბრიციო რომანო.

წყაროს თანახმად, გეგმა იმაში მდგომარეობს, რომ "დიუგარდენთან" შეთანხმებას "ბლაუგრანამ" ახლა მიაღწიოს, თუმცა ტალანტი შვედურ კლუბში სეზონის ბოლომდე დატოვოს.

17 წლის ნახევარმცველით ფრანკფურტის "აინტრახტიც" დაინტერესებულია, მაგრამ ლუკასს "ლურჯ-ბროწეულისფერთა" რიგებში სურს თამაში.

Relevo-ს ჟურნალისტის, მატეო მორეტოს ცნობით, ბერგვალმა "ბარსას" თანხმობა უკვე მისცა.

ჯერჯერობით უცნობია, რა თანხა დაუჯდება კატალონიურ გრანდს ლუკასის დამატება. მოარული ხმების მიხედვი, "დიუგარდენი" მასში 10 მილიონ ევროს ითხოვს.

აქვე გეტყვით, რომ ბერგვალმა“დიურგარდენის” მაისურით მიმდინარე სეზონში ჩატარებულ 25 შეხვედრაში 2 გოლი გაიტანა.