კალვინ ფილიპსი "ბარსელონას" რადარზეა. დეკუს ის მოსწონს, - იუწყება Mundo Deportivo.

ინგლისელ ნახევარმცველს "ლურჯ-ბროწეულისფერთა" რიგებში გადაბარგება სურს, თუმცა მისთვის მთავარია, რომ ჰქონდეს გარანტირებული სათამაშო დრო, რასაც "მანჩესტერ სიტიში" ვერ იღებს.

წყაროს თანახმად,  28 წლის შუახაზელის ტრანსფერის განხორციელება 2 ფაქტორზე იქნება დამოკიდებული:

1. "მანჩესტერ სიტი" ფილიპსის იჯარით გაშვებას ("ბარსასთვის" სასურველი პირობებით) უნდა დასთანხმდეს.

2. ფილიპსმა ხელფასი უნდა შეიმციროს.

"ლიდს იუნაიტედის" ყოფილი ფეხბურთელით "ნიუკასლი", "ვესტ ჰემი" და "იუვენტუსიც" ინტერესდებიან. ცხადია, კალვინს საკუთარი მომავლის გადაწყვეტა რაც შეიძლება მალე სურს.

"ბარსელონაში" ამბობენ, რომ ოპერაცია რთულია, მაგრამ ჯერ გამორიცხული არ გახლავთ.

ცნობისთვის, მიმდინარე სეზონში კალვინს სულ 10 მატჩი აქვს ჩატარებული.