"ბარსელონას" ტექნიკურმა დირექტორმა, დეკუმ გუნდის ურუგვაელი მცველის, რონალდ არაუხოს გაყიდვა კატეგორიულად გამორიცხა.

"არაუხო ჩვენი ერთ-ერთი საკვანძო ფეხბურთელია. იგი გუნდის აწმყო და მომავალი გახლავთ. რონალდს ჩვენთან კონტრაქტი აკავშირებს და მის გაყიდვას არ განვიხილავთ.

მთავარი ისაა, რომ არაუხო აქ ბედნიერია. სხვა სათქმელი არაფერია," - თქვა პორტუგალიელმა.

შეგახსენებთ, რომ 24 წლის უკანახაზელს მიუნხენის "ბაიერნს" აქტიურად უკავშირებენ. მოარული ხმების თანახმად, "რეკორდმაისტერი" მასში 100 მილიონი ევროს გადასახდელადაცაა მზად.

მიმდინარე სეზონში ჩატარებულ 21 მატჩში რონალდმა 1 გოლი გაიტანა.