სტამბოლის "ბეშიქთაშმა" "ბარსელონას" ორიოლ რომეუს თაობაზე შეთავაზება გაუგზავნა, - იუწყება Sports Digitale.

თურქული წყაროს ინფორმაციით, კლუბებს შორის ახლა მოლაპარაკებები მიმდინარეობს.

ამასთან დაკავშირებით, ჟერარ რომერო იტყობინება, რომ თუ "ბლაუგრანა" ესპანელ ნახევარმცველს მიმდინარე სატრანსფერო ფანჯარაზე გაყიდის, კლუბი ნახევარმცველის დამატებას ახლავე ეცდება.

რომეუს გაშვებით "ბარსაში" ნომინალური საყრდენი აღარ დარჩება, რაც ჩავის საკმაოდ მძიმე მდგომარეობაში ჩააყენებს.

შეგახსენებთ, რომ ორიოლი "ბლაუგრანამ" "ჟირონადან" 3.4 მილიონ ევროდ შეიძინა. სეზონი 32 წლის შუახაზელმა საკმაოდ კარგად დაიწყო, თუმცა ფორმა მალევე დაკარგა. მიმდინარე სეზონში ჩატარებულ 21 მატჩში რომეუს მონაგარი 1 ასისტია.