როგორც მოგეხსენებათ, ჩავი ერნანდესმა გუშინ ოფიციალურად გამოაცხადა, რომ სეზონის ბოლოს "ბარსელონას" დატოვებს.

ივნისამდე 4 თვეა, თუმცა, ცხადია, "ლურჯ-ბროწეულისფერთა" ახალ მესაჭეზე პრესაში საუბარი უკვე დაიწყო.

დასახელდა რამდენიმე კანდიდატურა, Sport-ის ჟურნალისტმა ჟორდი ხილმა კი იმ სპეციალისტზე დაწერა, რომელთან მუშაობასაც "ბლაუგრანას" ფეხბურთელები ისურვებდნენ.

წყაროს თანახმად, შემადგენლობას ჩავის შემცვლელად ლუის ენრიკეს ნახვა სურს.

ლუჩო "ბარსას" 2014-2017 წლებში ედგა სათავეში. მისი გუნდიდან მხოლოდმარკ-ანდრე ტერ შტეგენი და სერხი რობერტო არიან შემორჩენილნი, თუმცა, როგორც ჩანს, იგი სხვა ფეხბურთელებშიც პოპულარულია.

აქვე გეტყვით, რომ ესპანელი სპეციალისტი ამჟამად "პარი სენ ჟერმენს" წვრთნის.