"ბარსელონას" პორტუგალიელმა თავდამსხმელმა, ჟოაუ ფელიქსმა დღევანდელ ვარჯიშზე მარჯვენა კოჭის ტრავმა მიიღო. ამის შესახებ კლუბმა ოფიციალური განცხადებით გვამცნო.

24 წლის შემტევის უქმობის ხანგრძლივობის შესახებ პრესაში განსხვავებული ცნობები ვრცელდება.

SPORT-ის ჟურნალისტის, ტონი ხუანმარტის ცნობით, ფელიქსი 4 კვირას გამოტოვებს და სასწაული უნდა მოხდეს, რათა მან ჩემპიონთა ლიგის მერვედფინალური ეტაპის პირველ მატჩში, "ნაპოლის" წინააღმდეგ თამაში შეძლოს.

სხვა აზრზეა Diario AS-ის ჟურნალისტი ხავი მიგელი. მისი თქმით, ჟოაუს არყოფნა 2-3 კვირას გასტანს და იგი "პარტენოპეისთან" გუნდს დაეხმარება.

ნებისმიერ შემთხვევაში, მისი "ოსასუნასა" და "ალავესთან" გასამართ მატჩებში მონაწილეობა გამორიცხულია, ხოლო "გრანადასთან" ჯახში - საეჭვო.

აქვე გეტყვით, რომ მიმდინარე სეზონში ფელიქსმა 28 შეხვედრაში ითამაშა, გაიტანა 7 გოლი და გააკეთა 5 საგოლე გადაცემა.