"ბარსელონას" ტრავმირებულთა სია კვლავ იზრდება. ამჯერად მას გუნდის ესპანელი თავდამსხმელი, ფერან ტორესი შეუერთდა, რომელმაც დაზიანება "ოსასუნასთან" გამართულ მატჩში მიიღო.

24 წლის თავდამსხმელს მოედნის დატოვება მე-7 წუთზევე მოუწია, თამაშში მის ნაცვლად კი ფერმინ ლოპესი ჩაერთო.

SPORT-ის ჟურნალისტ ტონი ხუანმარტის თუ ვენდობით, ტორესი 1 თვით იუქმებს.

თუ ეს ინფორმაცია დადასტურდა, "ლურჯ-ბროწეულისფერთა" შვიდიანი ჩემპიონთა ლიგის მერვედფინალის პირველ მატჩს გამოტოვებს და თავის გუნდს "ნაპოლის" წინააღმდეგ ვერ დაეხმარება.

იმ ფონზე, რომ "პარტენოპეისთან" შეხვედრაში საეჭვოა ასევე ტრავმირებული ჟოაუ ფელიქსის მონაწილეობა, ჩავის არჩევანი უფრო და უფრო იზღუდება.

ცნობისთვის, მიმდინარე სეზონში ფერანის ანგარიშზე 11 გოლი და 4 საგოლე გადაცემაა.