"ბარსელონას" ნიდერლანდელმა ნახევარმცველმა ფრენკი დე იონგმა "ალმერიასთან" წაგებული მატჩი შეაფასა.

"წაგებით ძალიან იმედგაცრუებულები ვართ.

მეტოქე თავს კარგად იცავდა. ბევრჯერ ჩავაწოდეთ, განსაკუთრებით - მეორე ტაიმში, მაგრამ მათ თავი კარგად დაიცვეს. უკეთ უნდა შევუტიოთ და მეტი ხიფათი უნდა შევქმნათ ხოლმე.

10 ქულით დაწინაურების შანსი გვქონდა. უპირატესობა 7 ქულაა, თუმცა ამ მატჩის წაგებას არ ველოდით," - უთხრა 25 წლის ვარსკვლავმა Movistar+-ს.

"ბლაუგრანას" ფეხბურთელებმა მოწინააღმდეგის საჯარიმოში გუშინ 47-ჯერ ჩააწოდეს. აქედან ზუსტი მხოლოდ 10 ჩაწოდება გამოდგა, თუმცა გოლი არცერთ მათგანს მოჰყოლია.

"ბარსა" ლა ლიგას 7-ქულიანი სხვაობით ლიდერობს, თუმცა კატალონიელებმა თავიანთ თავებს ფეხის მეტჯერ დაცდენის უფლება წესით აღარ უნდა მისცენ.