"ბარსელონას" პოლონელმა გოლეადორმა, რობერტ ლევანდოვსკიმ ლა ლიგაში თითქმის ორთვიანი უგოლო სერია დაასრულა. 35 წლის ცენტრფორვარდმა "ალავესის" კარი აიღო, რითაც მიმდინარე სეზონში თავისი გოლების მაჩვენებელი 14-მდე აიყვანა (ყველა ტურნირზე).

"ლურჯ-ბროწეულისფერთა" ცხრიანმა შეხვედრის დასრულების მერე მცირე კომენტარიც გააკეთა.

"ჩემი გოლით ძალიან ბედნიერი ვარ. გიუნდოგანისგან შესანიშნავი პასი მივიღე, სივრცე დავინახე და კარგად დავარტყი.

თამაშს ვაკონტროლებდით როგორც შეტევაში, ასევე დაცვაში.

სეზონის დასრულებამდე 3-4 თვეა დარჩენილი. ახლა წინ 2 ისეთი კვირაა, სადაც მხოლოდ 1 მატჩი გვექნება სათამაშო. ამით უნდა ვისარგებლოთ," - თქვა ლევანდოვსკიმ.

შეგახსენებთ, რომ ჩავის გუნდმა "ალავესს" ანგარიშით 3:1 მოუგო.