"ბარსელონას" სპორტულმა დირექტორმა, დეკუმ განაცხადა, რომ გუნდში კილიან მბაპეს მოსაყვანად ფრენკი დე იონგსა და რონალდ არაუხოს არ გაყიდდა, რადგან ეს შემადგენლობას მხოლოდ დაასუსტებდა.

ესპანურმა SPORT-მა ამაზე "ბლაუგრანას" ქომაგების აზრის გარკვევა მოინდომა.

გამოკითხულთა 58% თანახმაა, რომ კატალონიელებმა დე იონგი და არაუხო გაყიდონ, მიღებული თანხა კი კილიანს დაახარჯონ. საპირისპირო აზრზეა 42%-ია.

ცხადია, 25 წლის ფრანგის "ბარსაში" გადაბარგება ფანტასტიკის სფეროა. უდიდესი ალბათობით, ზაფხულში იგი "რეალს" თავისუფალი აგენტის სტატუსით მიაშურებს.

მიმდინარე სეზონში ჩატარებულ 29 მატჩში კილიანის მონაგარი 30 გოლი და 7 ასისტია.