როგორც მოგეხსენებათ, "ბარსელონა" დიდი ხანია დაინტერესებულია "მანჩესტერ სიტის" ნახევარმცველის, ილქაი გიუნდოგანის დამატებით.

ამ კვირის დასაწყისში, კლუბის ოფიციალური პირები, მათ შორის ჟოან ლაპორტა და "სიტის" სპორტული დირექტორი ტიქსი ბეგირისტეინი, ფერან სორიანოსთან ერთად შეხვდნენ 32 წლის ნახევარმცველის მომავლის განსახილველად.

გავრცელებული ინფორმაციით, გერმანელი ნახევარმცველი 2-წლიან კონტრაქტს და სეზონში 10 მილიონ ევროს ითხოვს, რაც "ბარსასთვის" საკმაოდ დიდი ფულია, განსაკუთრებით ამჟამინდელ ეკონომიკურ ვითარებაში.

აღსანიშნავია, რომ კატალონიური კლუბის ერთ-ერთი საუკეთესო ფეხბურთელი, პედრი, რომელიც გიუნდოგანზე 12 წლით უმცროსია, ამაზე ნაკლებს იღებს.