"ბარსელონას" ლაზარეთში ახლა ერთდროულად ორი თავდამსხმელი - ფერან ტორესი და ჟოაუ ფელიქსი - იმყოფება, რომელთა "ნაპოლისთან" მატჩში მონაწილეობაც თითქმიის გამორიცხულია.

SPORT-ის ინფორმაციით, ფერანმა საკუთარი თავი მთლიანად მიუძღვნა ტრავმისგან რეაბილიტაციის პროცესს. იგი დაბრუნებას 24 თებერვალს, "ხეტაფესთან" შეხვედრაში გეგმავს.

იმ შემთხვევაში, თუ ეს ვერ მოესწრო, ტორესი 3 მარტს, "ატლეტიკის" წინააღმდეგ დაბრუნდება.

რაც შეეხება ფელიქსს, მას ასევე ბასკებთან გასამართ მატჩში უნდა ველოდოთ.

აქვე შეგახსენებთ, რომ "ნაპოლი" და "ბარსა" ერთმანეთს 21 თებერვალს შეხვდებიან.