გუშინ გავრცელდა ინფორმაცია, რომ ფრანგული "პარი სენ ჟერმენი" ზაფხულში ნახევარმცველის შეძენას ეცდება, ერთ-ერთი პრიორიტეტული სამიზნე კი "ბარსელონას" ახალგაზრდა ვარსკვლავი, პაბლო გავი იქნება.

აღნიშნულ ცნობას დღეს ესპანურ პრესაში გამოეხმაურნენ.

Mundo Deportivo წერს, რომ 19 წლის ესპანელი "ბლაუგრანასთვის" ხელშეუხებელია. კატალონიური გრანდი მის გაყიდვაზე არც კი ფიქრობს.

SPORT-მა კი თავად ფეხბურთელის პოზიცია გაგვაცნო. წყაროს თანახმად, პაბლო სხვა კლუბებისგან მიღებულ შეთავაზებებს არ მოუსმენს. მას მხოლოდ "ლურჯ-ბროწეულისფერთა" რიგებში სურს თამაში.

შეგახსენებთ, რომ გავი ამჟამად ჯვარედინი მყესების ტრავმას მკურნალობს. მის მოედანზე დაბრუნებას ივლისისთვის ელოდებიან.