Mundo Deportivo-მ "ალმერიასა" და "ბარსელონას" შორის გამართული მატჩისას მომხდარ ეპიზოდზე გაამახვილა ყურადღება.

წყაროს თანახმად, როცა სერხიო ბუსკეტსმა ბურთი დაკარგა, ჩავი ერნანდესმა მას მეტი ინტენსივობით თამაშისკენ მოუწოდა. 

გამოცდილმა ნახევარმცველმა მთავარ მწვრთნელს ჰკითხა, მისი სიტყვები მხოლოდ სერხიოს შეეხებოდა თუ მთელ გუნდს. ჩავიმ უპასუხა, რომ გააქტიურების მოთხოვნა მთელი გუნდისკენ იყო მიმართული.

"დამშვიდდი!" - უთხრა ბუსკეტსმა თავის ყოფილ თანაგუნდელს.

როგორც ჩანს, "ლურჯ-ბროწეულისფერთა" მიერ ნაჩვენებმა ცუდმა თამაშმა ხასიათი გუნდის კაპიტანსა და მთავარ მწვრთნელს ერთნაირად გაუფუჭათ.

ჩავის მოწოდებებმა არ იმუშავა. "ალმერიამ" კატალონიურ გუნდს მოუგო, რამაც "ბარსელონას" "რეალთან" უპირატესობის 10 ქულამდე გაზრდის საშუალება არ მისცა.