logo

ბართომეუ კურსს ცვლის - "ბარსაში" სუპერფორვარდი მოვა

ბართომეუ კურსს ცვლის - "ბარსაში" სუპერფორვარდი მოვა

მომავალ სატრანსფერო ფანჯარაზე "ბარსელონას" მთავარ პრიორიტეტს ახალგაზრდა ცენტრფორვარდის შეძენა წარმოადგენს, რომელიც ლუის სუარესის მემკვიდრე გახდება.

აქამდე "ბლაუგრანას" რეალურ სამიზნედ მილანის "ინტერის" არგენტინელი თავდამსხმელი, ლაუტარო მარტინესი ითვლებოდა, ვისაც თავადაც ძალიან სურს "კამპ ნოუზე" გადმოსვლა.

მიუხედავად ამისა, Don Balon იტყობინება, რომ "ლურჯ-ბროწეულისფერთა" პრეზიდენტი, ხოსეპ მარია ბართომეუ აღებული კურსის გადახვევას გეგმავს.

წყაროს თანახმად, "ბარსას" მმართველი გერმანული "ლაიპციგიდან" ტიმო ვერნერის გადმოყვანაზე ფიქრობს.

"წითელი ხარების" ლიდერმა რამდენიმე დღის წინ მკაფიოდ დააფიქსირა, რომ ბუნდესლიგაში თამაში აღარ სურს, რამაც "ბაიერნის" ვარიანტი გამორიცხა. საეჭვოა მისი "ლივერპულში" გადასვლაც, რადგან "წითლები" ზაფხულში დიდი ფულის დახარჯვას არ აპირებენ.

ამ ვითარებით კი კატალონიელებმა უნდა ისარგებლონ.

შეგახსენებთ, რომ ვერნერის გამოსასყიდი თანხა დაახლოებით 60 მილიონ ევროს შეადგენს, რაც მის კანდიდატურას "ბარსასთვის" უფრო მომხიბლავს ხდის.

4 კვირის წინ
2027 / 0
ირაკლი ხასაია
poll გამოკითხვა

რას ფიქრობთ, განვითარდება თუ არა "ბარსელონა" სეტიენის ხელში?

კი
არა
შესაძლებელია
სულ პასუხები: 1039
loss დანაკლისი
injury

ტრავმები

სუარესი, დემბელე

red_yellow

ყვითელი & წითელი ბარათი

არავინ