SPORT იუწყება, რომ ფრანკ კესიეთი ლონდონის "ტოტენჰემი" დაინტერესდა. აღნიშნულ ინფორმაციას ჟურნალისტი ალფრედ მარტინესი ავრცელებს.

წყაროს თანახმად, "დეზების" მთავარ მწვრთნელს, ანტონიო კონტეს "ბარსელონას" ნახევარმცველი ძალიან მოსწონს.

კოტ-დ'ივუარელი შუახაზელის მომავალს "ბლაუგრანა" სეზონის ბოლოს გადაწყვეტს. საბოლოო სიტყვა ჩავიზე იქნება. სწორედ "ლურჯ-ბროწეულისფერთა" თავკაცზე იქნება დამოკიდებული, დარჩება თუ არა კესიე "კამპ ნოუზე".

შეგახსენებთ, რომ ფრანკი "ბარსამ" გასული წლის ზაფხულში, თავისუფალი აგენტის სტატუსით დაიმატა.

26 წლის ფეხბურთელმა მიმდინარე სეზონში 28 ოფიციალური მატჩი ჩაატარა. თავი მან 2 გოლითა და 3 საგოლე გადაცემით გამოიჩინა.