Diario AS-ის ჟურნალისტმა ხავი მიგელმა "ელ კლასიკოში" "ბარსელონას" სასტარტო შემადგენლობა ივარაუდა:

ტერ შტეგენი - არაუხო, კუნდე, ალონსო, ბალდე - ბუსკეტსი, დე იონგი, კესიე - რაფინია, ფერანი, გავი

თითქმის გადაწყვეტილი ამბავია, რომ ანდრეას კრისტენსენი დღევანდელ მატჩს ძირითადი თერთმეტეულიდან ვერ დაიწყებს. ამის მიზეზი კოჭის ტკივილია.

მიგელის თქმით, დანიელ უკანახაზელს არა ერიკ გარსია, არამედ მარკოს ალონსო ჩაანაცვლებს. ჩავი არჩევანს ალონსოზე მისი სიმაღლის გამო გააკეთებს.

რაც შეეხება რონალდ არაუხოს, იგი მარჯვენა მცველის პოზიციაზე დადგება. ურუგვაელი ფეხბურთელის მთავარი მოვალეობა დღეს ვინისიუს ჟუნიორის შეჩერება იქნება.

შეგახსენებთ, რომ "რეალისა" და "ბარსას" სათასო დაპირისპირება თბილისის დროით 23:55 საათზე დაიწყება.