"ბარსელონა" მორტენ ჰიულმანდს აკვირდება, - იუწყება Sky Sports-ის ჟურნალისტი, ჯანლუკა დი მარციო.

ჰიულმანდი დაცვითი ტიპის ნახევარმცველია, რომელიც ახლა ლისაბონის "სპორტინგის" ღირსებას იცავს. Transfermarkt-ზე იგი 30 მილიონ ევროდაა შეფასებული.

წყაროს თანახმად, დანიელი ფეხბურთელით ლონდონის "ტოტენჰემიც" გახლდათ დაინტერესებული, მაგრამ "დეზების" რადარზე ის ამჟამად აღარ იმყოფება.

დი მარციო ხაზგასმით ამბობს, რომ "ლურჯ-ბროწეულისფერნი" 24 წლის ფეხბურთელით ნამდვილად ინტერესდებიან, თუმცა კონკრეტული ჯერ სხვა არაფერი თქმულა.

"ბარსა" რომ ზაფხულში შუა ხაზის გაძლიერებას ეცდება, ეს უკვე დიდი ხანია ვიცით. შესაბამისად, მორტენი კლუბისთვის ერთ-ერთი ვარიანტი იქნება.

მიმდინარე სეზონში ჩატარებულ 37 მატჩში ჰიულმანდის ანგარიშზე 2 გოლი და 4 ასისტია.