გასულ ღამით გამართული "ელ კლასიკო" ემოციურად საკმაოდ დაძაბული გამოდგა. შეხვედრის მიმდინარეობისას არაერთი მომენტი იყო, სადაც ფეხბურთელები ერთმანეთს შეეკამათნენ.

ერთ-ერთ ასეთ ეპიზოდში, არა ფეხბურთელმა, არამედ "ბარსელონას" მწვრთნელმა ჩავი ერნანდესმა, "რეალის" მარჯვენა მცველს დანი კარვახალს სულელი უწოდა.

ბალდესა და დანის შელაპარაკების შემდეგ ჩავიმ გადაწყვიტა ესპანელისთვის შემდეგი სიტყვები ეთქვა:

"სულელი ხარ, მართლა სულელი ხარ."

ამის გამო, "ბლაუგრანას" თავკაცმა ყვითელი ბარათი დაიმსახურა. სხვათა შორის, მატჩის შემდეგ ჩავი და კარვახალი ერთმანეთს გადაეხვივნენ, ამიტომ უნდა ჩავთვალოთ, რომ კონფლიქტი ამოიწურა.

შეგახსენებთ, რომ გუშინ კატალონიელებმა ედერ მილიტაოს ავტოგოლის წყალობით იმარჯვეს.