"ბარსელონა" ზაფხულში რონალდ არაუხოს გაყიდვაზე იფიქრებს, - იუწყება ESPN-ის ჟურნალისტი მოი ლორენსი.

წყაროს თანახმად, კლუბში ურუგვაელ მცველთან დამშვიდობების შესაძლებლობას სერიოზულად განიხილავენ. 100 მილიონი ევროს ღირებულების შეთავაზება "ლურჯ-ბროწეულისფერთათვის" ძალიან დიდი ცდუნება იქნება.

კატალონიელები მსგავსი წინადადებით მომართვას მიუნხენის "ბაიერნისგან" ელოდებიან. "ბარსას" რწმენას აძლიერებს ისიც, რომ "რეკორდმაისტერს" 24 წლის ვარსკვლავის შეძენა ჯერ კიდევ იანვარში უნდოდა.

რაც შეეხება თავად არაუხოს, მას მხოლოდ "ბლაუგრანაში" სურს დარჩენა. ამაზე რონალდმა უკანასკნელ ინტერვიუებშიც ისაუბრა.

მიმდინარე სეზონში ჩატარებულ 30 მატჩში ურუგვაელმა 1 გოლი გაიტანა.