ლამინ იამალმა შეიძლება "ბარსელონას" 10-ნომრიანი მაისური ჩაიბაროს, - იუწყება Catalunya Radio.

წყაროს თანახმად, "ბლაუგრანაში" არიან ადამიანები, რომლებიც ფიქრობენ, რომ რომელიმე ფეხბურთელისთვის ათიანის სტატუსის მინიჭება კლუბს ეკონომიკურ სარგებელსაც მოუტანს.

კლუბში ისიც აფიქრებთ, 16 წლის ბიჭზე ამხელა პასუხისმგებლობის აკიდება რამდენად გონივრული გადაწყვეტილება იქნება, თუმცა ჰორიზონტზე სხვა რეალური კანდიდატი არ ჩანს.

ბოლო ფეხბურთელი, რომელსაც "ბარსას" ათიანობა დააკისრეს, ანსუ ფატი გახლდათ. ანსუს "ბრაიტონში" განათხოვრებამ გუნდი წელს 10-ნომრიანი მაისურით მოთამაშის გარეშე დატოვა.

შეგახსენებთ, რომ მიმდინარე სეზონში ჩატარებულ 38 მატჩში ლამინის მონაგარი 6 გოლი და 7 ასისტია.